تسريب مثير للأهتمام عن موبايل من شاومي 🔥

السلام عليكم 

النهاردة موقع GSMArena نزل تسريب عن موبايل يقال انه من شاومي و اسمه Redmi Pro 2 طبعا الاسم غريب و عجيب بس مش دا المهم المهم ان الموقع بيقول انه هيجي بمعالج الفلاج شيب سناب دراجون 855 الي بيتمتع بتوفير طاقة ممتاز بسبب السبعة نانو متر بتوفر جدا في الطاقة

و كمان في الصورة بتاعت التسريب جايبلك ضهر زجاجي لامع و دا هيكون شئ حلو للناس الي مكنش عاجبها تصميم البوكو فون اف 1 عشان كان بلاستيك و كدا

و غير كدا جاي بتصميم كاميرا امامية منزلقة بماتور

و كمان جاي بتلت كاميرات خلفية و اكيد كلنا بقينا عرفين ايه فايدت تالت كاميرا و هي Ultra Wide Angle الي بتدي زاوية تصوير واسعة جدا و بتاخد حاجات اكتر في الصورة

وانا اتوقع ان تكون الشاشة OLED عشان البصمة تكون تحت الشاشة لأن مفيش مستشعر بصمة خلفية في الصورة

و كمان مكتوب في الصورة عدد 4800 و انا اتوقع ان دي السعة بتاعت البطارية يعني الموبايل ممكن يجي ب4800 ملي امبير و دا طبعا حاجة ممتازة  

الحلو في الموبايل دا انه نازل من شاومي و انتم اكيد عرفين اد ايه تسعير شاومي ممتاز
فنا اعتقد ممكن ينزل في حدود ال 350:320 دولار بس برده انا مش متؤكد بس حتي لو

.غلي عن كدا شوية برده هيكون سعر ممتاز جدا

رابط التسريب :اضغط هنا