تسريب لفرد جديد من عائلة الA الخاصة بسامسونج (A90)

السلام عليكم

امبارح GSM Arena نزل تسريب عن موبايل جديد من سلسلة الA بتاعت سامسونج و هو الA90.

علي حسب الي باين من الصور ان الموبايل هيجي بشاشة كاملة مع ماتور محتوي الكاميرا الخلفية و في نفس الوقت   اما تيجي تتصور سيلفي الماتور هيترفع و الكاميرات الخلفية ههتقلب و تبقي هي الامامية و دا طبعا حاجة حلوة جدا بس دا مش اختراع سامسونج اوبو كانت عملتها في 

.موبايل قبل كدا بس ابو مكانتش مخلية الشاشة كاملة وقتها

المهم الي كان مكتوب علي GSMArena انه هيجي بمعالج سناب دراجون 710 او 712 و الاتنين حلوين جدا بس طبعا 712 افضل.

و الشاشة هتكون 6.7 بوصة FHD+ وهتكون من نوع OLED و النوع دا من الشاشات غني عن التعريف نوع ممتاز و افضل من الIPS LCD بمراحل.

و الكاميرا هتبقي تلت كاميرات الاولي هتكون 48 ميجا بكسل بفتحة عدسة f/2.0 و العدسة التانية هتكون للعزل بدقة 8 ميجا بكسل و بفتحة عدسة f/2.4 و مكتوب ان هيكون في عدسة TOF بفتحة عدسة f/1.2 بس مش باين اصلا غير ان في كاميرتين بس.

و البطارية هتكون بسعة 3700 ملي امبير و كمان هتكون بتدعم سرعة شحن بسرعة 25 وات و دا طبعا حاجة ممتازة.

بيقولم انه امكن ينزل يوم 10 ابريل يعني كمان تلت ايام.

رابط التسريب:اضغط هنا