السلام عليكم
اليوم هكلم عن مواصفات و سعر موبايل سامسونج الاقتصادي الجديد في السوق المصري و هو السامسونج جلاكسي A10
التصميم
تصميم الموبايل جاي من البلاستيك اللامع و الشاشة بتاعت الموبايل جاي من الزجاج.
الشاشة
الشاشة جاية بحجم 6.2 بوصة و بجودة HD+ و دا طبعا شئ طبيعي علي الفئة دي و تصميم الشاشة جاي ب infinty v بتاعت سامسونج الي هي نوتش صغيرة جدا محتوية الكاميرا الامامية و تحت حافة سفلية صغيرة.
الاداء
الموبايل جاي بمعالج Exynos 7884 و دا المعالج الي يعادل سناب دراجون 450 و دا شئ عادي بس الي مش عادي انهم جيبين الموبايل بمساحة 32 جيجا و دا شئ مش بنشوفه كتير في الفئة الاقتصادية و بيجي ب2 جيجا رام.
الكاميرا
الكاميرا جاية ب13 ميجا بيكسل و بفتحة عدسة f/1.9 مع فلاش تحتها مفيش كاميرا للعزل بس طبعا هتكون كاميرا كويسة بليل و حلوة الصبح عشان فتحة العدسة الواسعة.
البطارية
سعة البطارية 3400 ملي امبير و دا تقريبا عيب الموبايل مش عشان صغيرة لا عشان الشحن ممكن يقعد تلت سعات عشان يوصل 100% عشان الموبايل مبيدعمش الشحن السريع و دا شئ عادي جدا في الفئة دي.
السعر
120 دولار
2200 جنيه مصري
الخلاصة
الموبايل دا حاجة محترمة ان سامسونج تنزله في الفئة دي عشان تنافس بيه الشركات الصينية و هي فعلا تكسبهم في حاجات كتير في الفئة دي زي الشاشة و جودة الكاميرا و المساحة و دي حاجة حلوة ان سامسونج ترجع بقوة.
No comments:
Post a Comment